ماں نظم۔ زاھد فخری
"ماں"
جِنہاں گھرّاں وِچ ماں نئیں ھوندی
اونہاں دے ویہڑے چھاں نئیں ھوندی۔
پُتّر پانویں جان وی منگن
مانواں کولوں ناں نئیں ھوندی
جے کر مانواں ھاں نہ آکھن
رَبّ وَلّوں وی ھاں نئیں ھوندی۔
تیرے اَگّے رو لیندے ساں
ھُنڑ تے نظر اُتَاں نئیں ھوندی۔
جِنہاں دی جنّت رُس جاندی اے
اُنہاں نُوں کِتّے وی تھاں نئیں ھوندی۔
جے کِدرے میں سَفرے جانواں
اوھدی شکل پَراں نئیں ھوندی۔
واج آؤندی اے فخریؔ پُتر
پر اوہ آپ اَگَاں نئیں ھوندی
زاھد فخری
تبصرے