Voice of my heart

  اسِی بچ نہیں سکدے جرم دی سزا توں معافی بس ملدی اے ماں تے خدا توں نجمہ مسعود

  ہراسانی دا قانون  گھر توں دفتر تک دا رستہ ویہ منٹ تے تکن والیاں اکھاں ویہ ھزار باپ تے پیو والی  نظر تے بس   گھر دی دہلیز تک ھی رہ جاندی اے پیراں تو شروع ھونڑ والی نظراں دی چھبن دا زھر روز ھی پینڑا پیندا اے  انہاں لکھاں  ماواں نوں جیڑیاں اپنے پریوار  دے پیٹ دا دوزخ بھرن دی فکر چے   انا نوں گھر  دے کسی کونے  تےرکھی  چینک دے اندر رکھ کےسر تے چنی دا کونا  سٹیا دوڑ کے بس تے چڑھن دی کوشش چے  کنڈیکٹر  دی کہنی لگن دی فکر توں بے نیاز    اڈ کےسیٹ تے جا ڈگدی اے کنڈیکٹر  دی اکھاں دی  مستی دا مزا  پچھلیاں سیٹاں تے بیٹھے اودے  سارے ھمزاد لیندے نے فٹ ہاتھ تے چلدی کچی عمر دی کڑی مرداں دی نظراں توں  بچن لئی اک ہتھ نال بستہ   تے دوجے نال چنی سنبھالن دے چکر چے  لڑکھڑا جاندی تے سکول دے گیٹ تے اپڑن تک نظراں دے تیراں  نال    گلنار چہرہ  زخمی زخمی ھو جاندا اے آفس  جاندیاں کڑیاں تے عورتاں  رستے چے دو چار مرداں دیاں پھبتیاں پچھے ٹرن والے وھلے منڈیاں  دیاں آوازاں...

  وقت دا گھوڑا اتھرا ھوندا روک سکیا نہ کوئی مہینے سال صدیاں لنگیاں موڑ سکیا نہ کوئی دنیا دل دے اندر وسدی چھوڑ سکیا نہ کوئی موت دی رسی نے رستہ ڈکیا دوڑ سکیا نہ کوئی تقدیر دی چابی ہتھ آجاوے تالا پھر وی کھل نہیں سکدا لیکھاں لکھیاں تتیاں لویاں ٹھنڈا جھولا جھل نہیں سکدا  سلجھی ذات دی پکی نشانی اوقات اپنی نوں بھل نہیں سکدا پہانویں دولت دنیا ڈہل ڈہل جاوے بھریا پہانڈا ڈُل نہیں سکدا نجمہ مسعود

  اکو جئے ھی ھوندے نے ,رشتے تے اے موسم کدی  نرم ھوا دے جھونکے وانگوں کردے نے اے پیار  ھائےچکھڑ وانگوں چل کے  محبتاں, دل دیاں دیندے مار روح دے قاتل  پیارے رشتے, جسم دےڈھڈے موسم نجمہ مسعود🌱

  . دل نوں پکیاں گڈاں لائیاں انہاں اپنے ہتھاں نال وڈیاں وڈیاں امیداں بدھیاں یقین امید اکو سوال دعا ھمت دے پکے رنگ بدلدے کیوں واروں وار   اتھرو بن کے لگ گئے سارے کیوں انہاں اکھاں نال نجمہ مسعود

  Govt orders investigation into  ‘objectionable activities’ during  Aurat March 2021 . عورت  ڈے دا منشور  فون آیا کجھ سہیلیاں دا  اساں عورت ڈے منانا اے   نکمی وھلی بیٹھی ھیں  توں وی اپنا حصہ پانڑا اے جیڑا دل دی ساری ساڑ کڈےایخو جیا منشور بنانا اے  چک ڈنڈے بینر ہتھاں چے سب مرداں نوں ڈرانا اے جد جاواں کم نوں دفتر چے نہ افسر تے نہ باس ھووے ملے،ایسی جا جتھےکم دا غم، نہ دور ھوے نہ پاس ھوئے ھونڑ اگے پچھے نوکر جئے،دن عید تے رات شب رات ھوے اکلوتا منڈا سسرالیاں دابس میرے لئی ھی او خاص ھوے کِتھے جاندی آں کِہنوں نوں ملدی آں اے میرا اپنا راز ھوے قانون دی کتاب چہ لکھیا جاوے، اے میرے کول اعزاز ھوے نہ ھوئے پرواہ مینوں دنیا دی پاھویں  ٹھیک ھوئے،ناساز ھوئے  میرا جسم  تے میری مرضی اے، میری بُلیاں تے اِے ساز ھوے نجمہ مسعود۔

اسماناں توں نعمت ڈگی مٹھا میوا چنڑدی ماں اودھی ذات مکمل ھوی سفنے خوشی دے بنڑدی  ماں شودی نمانڑی پچھل پیری طعنیاں کیتا دل نوں چھلنی  جندڑی دا مانڑ جے ودیا ھنڑ کسی دی نہیں سنڑدی ماں۔ عزت ودی رتبہ ملیا، سکھ دا ساہ وی لے سکدی اے   پٹھی سدھی کرکے ویکھے، پانڑی وانگُوں پُنڑدی اے ماں نجمہ مسعود 💐