سچیاں گلاں پنجابی نظم
وقت دا گھوڑا اتھرا ھوندا روک سکیا نہ کوئی
مہینے سال صدیاں لنگیاں موڑ سکیا نہ کوئی
دنیا دل دے اندر وسدی چھوڑ سکیا نہ کوئی
موت دی رسی نے رستہ ڈکیا دوڑ سکیا نہ کوئی
تقدیر دی چابی ہتھ آجاوے تالا پھر وی کھل نہیں سکدا
لیکھاں لکھیاں تتیاں لویاں ٹھنڈا جھولا جھل نہیں سکدا
سلجھی ذات دی پکی نشانی اوقات اپنی نوں بھل نہیں سکدا
پہانویں دولت دنیا ڈہل ڈہل جاوے بھریا پہانڈا ڈُل نہیں سکدا
نجمہ مسعود
تبصرے