اشاعتیں
پاکستان میرا وطن پنجابی نظم. Punjabi poetry
میرا وطن آزاد اے آزاد رھوے گا ھر باسی شاد اے شاد رھوے گا لکھن بولن دی آزادی اے وریاں توں آباد اے آباد رھوے گا ایتھے موسم سارے ملدے نے تے کی کی نظارے ملدے نے کلیاں رھن دی اے تھاں نہیں ایتھے بُہتی سہارے ملدے نے پنج دریاواں دے دھارے وی ساوے ندیاں دے کنارے وی ڈگدی آبشاراں دے فرارے وی آھو پھردے بے مہارے وی کِدے اوچے محل منارے نے جتھے رل مل رھندے سارے نے ایتھے پُھل کھڑکھڑ ھسدے نے جیڑے لگدے سب نوں پیارے نے ایدھی شان و شوکت دھنگ کردی نہیں موسماں دی سختی تنگ کردی ٹھنڈے ٹھار تے سبز نظارے نے ویکھو گلگت سوات تے ھزارے نے لوکی آؤندے دنیا توں سارے نے نالے کہندے پاکستانی پیارے نے اتفاق دیاں لہراں بہراں دے نال ملک چلدا اے ستاں خیراں دے نال پنجاب سب لئ اناج اگاؤندا اے تناں بھائیاں نال مل کے کھاؤندا اے اے ملک دی شان وداؤندے نے سب نعرے ایدھے ھی لاؤ ندے نے اینوں خون دی لوڑ جد وی پیوے بازی سر دھڑ دی اے لاؤندے نے نجمہ مسعود
