Voice of my heart

    آج دی محبت نال سہیلی کھیڈن چلی  آیاں باغاں وچ بہاراں دوڑاں دوڑاں تتلیاں پکڑاں کدی پینگاں نوں ھلاراں رنگ برنگے پُھل  دل لیندے نالے پنچھیاں دیاں اڈاراں چم چم کردا کالا آیا  آتے سونے دیاں دھاراں   چھڈ سکھی لڑ اودے لگی دل ھس ھس مارے کلکاراں سن کے میں  تے مٹھی لوری  اودے موھڈے تے سہاراں اکھ کھلی جد میری لوکو  گھپ انہیرے چیکاں ماراں گھپ انہیرے چیکاں ماراں  

  پہلی پہلی چوری کیتی   کہنوں سینہ  زوری کیتی    ساہ جیویں رکیا حلق وی سکیا کچھ جئی  پیندی  سی  ایہہ تے کجھ کہندی سی پہلی پہلی چٹھی سی   شہد نالوں مٹھی سی     لکھ لکھ پھاڑاں تے آگ چے ساڑاں کھچ جئی پیندی سی ایہہ تے کجھ کہندی سی ویریاں نوں گُماواں  کِھہڑا ای مُکاواں سینہ جد آگ ھویا  ویری سارا جگ ھویا کھچ جئی پیندی سی اے تے کجھ کہندی سی سینے آتے جڑیا راز میں پھڑیا کِہڑا اے ساز سی ضمیر دی آواز سی نجمہ مسعود

  بڑی مختلف اے زندگی   ھونٹاں دی مسکراھٹ  توں  خواباں دی نرم  آھٹ توں  آنچل دی سر سراھٹ توں بڑی مختلف اے زندگی بچپن دیاں شرارتاں توں ذندگی دیاں حرارتاں توں  لُکیاں ھوئیاں بشارتاں توں بڑی مختلف اے زندگی ِچین دیاں ساھواں توں امن دیاں پنا ھواں توں  ماں دیاں باھواں توں بڑی مختلف اے زندگی دھپ وانگوں تتی اے بلبلے وانگوں کچی اے دکھاں والی چکی اے بڑی مختلف اے زندگی پھلاں دی اے سیج نہی  لڈیاں، بھنگڑے پانڑ لئی   اے ڈانس دا سٹیج نہی بس ایہہ جے زندگی  قیدی دی دعا ورگی  بپھرتی ھوئی وبا ورگی گھٹی ھوئی فضا ورگی بس ایہہ جے زندگی چمٹی ھوئی بلا ورگی کنجوس دی عطا ورگی آگ اے اک چتا ورگی بس ایہہ جے زندگی مغرور دی انا ورگی  کیتی ھوئ خطا ورگی کسی جرم دی سزا ورگی نجمہ مسعود