ربیع لاول دے مہینے دے تقاضے . نجمہ مسعود

آپ ٌ دی پیدائش دی خوشی توں ودھ  دنیا چے ھور کوئی خوشی ھو ھی نہیں سکدی .آپٌ دی پیدائش تے دنیا تے آنڑ دا مقصد ھی دنیا دے وگڑے ھوئے حالات تے جہالت دے اندھیریاں نوں ختم کرنا سی .دنیا تے اک لکھ چوبیس ھزار پیغمبر تے نبی آئے سن جناں نے بنی نوع انسان نوں  سدھی راہ تے چلن دی مت دتی ا چھائی تی برائی دی تمیز دسی پر انہاں قوماں نے نہ صرف انہاں  دی تعلیمات توں جھٹلایا  بلکہ بے گناہ انہاں نوں قتل وی کر دے رھے .اک ویلا ایسا وی کہ دنیا چے جہالت تے برائیاں نے انہی پا دتی ھر برائی عام گل بن کے عرب دے معاشرے وچ پھلن پھولن لگ پئ اللہ دا کرم ھویا تے کعبے دے متولی دے گھر اودھا پوتا  پیدا ھویا جدا ناں محمد رکھیا گیا اے لوکاں لئی نواں تے و کھرا ناں سی وقت نےدسیا کہ اے بچہ بھی وکھری ٹائپ دا سی جنے دنیا دے حالات تے عرب دا معاشرتی نقشہ بدل کے رکھ دتا جس معاشرے چے انسانی جان دی کوئی قدر نہی سہی ،عورتاں نوں حقیر تے بے توقیر چیز سمجھیا جاندا سی  کڑیاں نوں پیدا ھوندیاں ای زندہ دفن کر دیندے سن ماں بہن دی جائیدا وچ کوئی حصہ داری نہیں سی  ھر ویلے قتل و غارت گری دا بازار گرم رھندا جُوا تے نشہ معزز لوکاں دا شیوہ تے بدزبانی  ھنسی مذاق سمجھیا جاندا سارا معاشرہ اخلاقی برائیاں نال بھر گیا اللہ تعالی نے محمدٌ نوں ساری دنیا لئی رحمت بنا کے کہلیا تے فیر آپٌ دی سیرت تے کردار نے عرب دی بدو لوکاں نوں گل کرن تے زندگی گزارن دی جاچ سکھائ صلع رحمی تے بھائی چارے دا سبق دسیا اک خدا تے قرآن نال روشناس کروایا کعبے نوں بتاں توں پاک کیتا تےانساناں  نوں انساناں دی غلامی توں نجات دلائی اک حبشی غلام نوں اینا اوچا مقام دلایا کہ اودھی آزان  دی آواز نہیں آئی تے سویر نہیں ھوئی اللہ تعالی نے قرآن وی آپ صلعم تے نازل کیتا جدے وچ دنیا تے زندگی گزارن دے سارے اصول وضابطے تے انہاں دے اوتے کس طراں عمل کیتا جاسکتا اے اے سب موجود اے فیر وی آپٌ نے اپنی زندگی نوں قرآن دا نمونہ بنا کے دنیا دے سامنے اپنا آپ پیش کیتا آپٌ دی ھستی دے نال دی کوئی وی مثال نہ آج تک پیدا ھوئیی اے نہ ھی پیدا ھوے گی آج اسی سارے آپٌ دی پیدائش دی خوشی شان و شوکت نال منا دے آں جلسے جلوس  نعتاں تے تقریراں  دی کوئی نظیر ای نہیں ملدی پر ا سی اپنے وارے اے ویکھاں کہ اودھے دسے ھوئے رستے تے کنے لوگ چلدے نے قرآن اورحدیث دے مطابق کنے عمل پیرا واں تے اودھی محبت دا تقاضا تے ایخو ھی اے کہ اسی اپنی زندگی سیرت طیبہ دے مطابق گزارئیے