پنجابی نظم

                                                                               میری پنجابی نظم ۔۔۔ پر فیر وی

اچهے آں ایدهے لئی کوشش بڑی کیتی اے
پر فیر وی کئ لوکاں دی خاص کتاباں وچ برے آں

دنیا دے حقوق تے فرائض وچ رل گئے
پر فیر وی عملاں دے ڈهڈے حساباں وچ برے آں

تهوڑی جئی کمائی سی حلال هی کهلایا اے
پر فیر وی اپنی اولاداں دے نصاباں وچ برے آں

محفلاں سجایاں نالے سنگتاں بهی پایاں نے
پر فیر وی انجمن شباب تے کباباں وچ برے آں

ساڑ چهڈی جندڑی مشقت دے تندور چے
پر فیروی ظالم حاکماں دے خطاباں وچ برے آں

ڈهل گئی جوانی ساری چاکریاں ای کردیاں
پر فیر وی اک واری نہ دے جواباب وچ برے آں

حیاتی ساری عیب میرے لب لب تهک گئے
پر فیر وی اپنے هی ویریاں دے خواباں وچ برے آں

نجمہ مسعود .