جینے کے بے بس جتن میں
ھراک شے سلیقے سے ترتیب میں ھے
کُشادہ ِدلی میں
کہیں تنگ ھوتی ھوئی سانس
خوش باش سی مسکراھٹ میں بُجھتی ھوئی
ایک محروم لذت
ملنسار لمحوں میں بڑھتی ھوئی دُوریاں
جگمگاتی ھوئی آنکھ میں ایک اُوجھل گہن
پاؤں میں کوئی اَن دیکھی لغزش
بدن کی مسافت میں
وہ عمر بھر کی تھکن اور ھاری ھوئی خواھشیں
احتیاطوں کے پلو میں باندھے ھوۓ چل رھی ھے
ابھی رات آ ۓ گی
بستر پہ گرتے ھی ُاسکا بدن ٹوٹ کر
ریزہ ریزہ بکھر جاۓ گا
سارا دن پھر انہیں جوڑنے میں گزر جا ۓ گا
تبصرے