دعائے تہجد ۔ پنجابی نظم ۔ نجمہ مسعود

 

 دعائے تہجد

اتھرواں دا میلا ھوے

سرگی دا ویلہ ھوے

میریاں دعاواں ھونڑ 

اودیاں عطاواں ھونڑ

ھونٹاں تے نداواں نال

سسکیاں تے ھاواں نال

ھر گل تے پچھتاواں میں 

 کہندیاں نہ شرماواں میں

بڑے ھی دل دُکھائےمیں

لکھاں چن چڑھائے میں

اپنی راہ سوکھی کیتی 

اودھی کیوں اوکھی کیتی

تیری حکم عدولی کر کے

تہمتاں دی وصولی کر کے

جاگدے ضمیر دی کہانی 

میرے لئے سی کیوں نجانی 

لکھیا ِسارا رُل جاو ے

 اودھی تختی دھل جاوے

ساھواں فِیر رک جانڑ

غم سارے مک  جانڑ

نجمہ مسعود۔