عشق کی اے. پنجابی نظم
عشق دی عین دا نشانہ ایہہ دل کیوں ھوندا اے
عشق چے پاگل دیوانہ ایہہ دل کیوں ھوندا اے
تتے بلدے دیئے دی لو تےتھرکدا تے نچدا عاشق
خبرے اپنی موت توں بیگانہ ایہہ دل کیوں ھوندااے
تکےایتھےکلیاں دے مرجھانڑ دے قصے بڑے نے
ایدھے چے دشمناں تے ویریاں دے حصے بڑے نے
اینہاں راھواں چے کھلرے نے کنڈے ھی کنڈے
ھر ویلے لاپرواہ مستانہ ایہہ دل کیوں ھوندا اے
لکھاں کروڑاں آساں امیداں تے چاھتاں دے لارے
دیوانیاں ھیراں لبھدیاں پھرن رانجھیاں دے دوارے
سچ اے عشق تے منزل دویں ھوندے نے وکھ وکھ
ایس پیار لئی پاگل فرزانہ ایہہ دل کیوں ھوندا اے
عاشقی معشوقی دا ناں اے دیوانگی اے گل کی کرنی
جیڑی گل وگڑ ی پئی اے وریاں تو او حل کی کرنی
عشق آسیب اے جن بھوت یا کوئی ان دیکھی طاقت
ھر ویلے مدھوش جیا ساحرانہ ایہہ دل کیوں ھوندا اے
نجمہ مسعود🌾
تبصرے