عید میلا د النبی مبارک
وَمَا أَرْسَلْنَاكَ إِلَّا رَحْمَةً لِّلْعَالَمِينَ
عید میلاد النبی مبارک۔
اللہ دے آخری نبی نوں اللہ تعالی نے ساری دنیا لئی رحمت بنا کے بھیجیا اے ساری دنیا دے مسلماناں دے دلاں وچ وسن والی واحد ھستی اے ایخو جئی کوئی ھستی دنیا تے پیدا ھوئی اے تے نہ ھی پیدا ھوے گی یعنی کے آپٌ دی ذات دے نال دی کوئ دوسری مثال اس صفحہ ھستی چے نہیں مل سکدی اِسی آپٌ دی ذات تے ھر ویلے قربان ھونڑ لئی تیار آں تے کسی نوں اے اجازت نہیں دے سکدے کہ انہاں بارے کوئ وی گل کرے آپٌ دی حرمت تے سہاڈیاں اولاداں تے ماں باپ بھی قربان، اللہ تعالی نے انسانیت دی رہبری واسطے لکھاں نبی تے رسول دنیا چے کہلے نے تے فیر نبوت دے خاتمے دی مہر آپ صلعم دی ذات تے لا دتی اے اس لئ اے سچ اے کہ محمد ای اللہ دے آخری نبی تے پیغمبر نے جیڑا انہاں توں علاوہ کسی نوں نبی تے پیغمبر منے گا او دائرہ اسلام چے رھن دا حق دار نہیں ھو سکدا کیوں کہ اسلام دی پہلی شرط کلمہ طیبہ دے پہل حصے چے اسی اللہ تعالی دی وحدانیت دا اقرار کردے آں تے دوسرے حصے وچ محمد اللہ دے رسول ھونڑے دا اقرار اے تے فیر کسطراں کسی دوسرے راہ چلدے نوں اللہ دا نبی تے آخری (نعوذباللہ) پیغمبر کہ سکدے آں جس طراں اللہ تعالی نے قرآن نازل کیتا اس دے اندر سارا ضابطہ حیات دے دتا کہ اے لو اے جے زندگی گزارن دی گائیڈ لائن تے اینوں کھولو سمجھو تے ایدھے تے عمل پیرا ھو جاؤ ایدھے تے وی بس نہیں کیتا بلکہ محمد صلے اللہ وال وسلم نوں اس دی تفسیر تے تفصیل اور تشریع لئ سہاڈا رہنما بنایا حضرت عائشہ دا فرمان اے کہ آپٌ دا خلق قرآن اے یعنی کہ آپٌ دی زندگی اور سیرت قرآن دی تعلیمات دے مطابق نیں لہذا آپ دی سیرت تے چلنا اسلام دے سیدھے راستے تے چلن دی ضمانت اے اسی ۱۲ ربیع لاول نوں آپٌ دی پیدائش دی خوشیاں منا دے آں اے سہا ڈی خوشی تے سہاڈا حق اے مگر اس دن اس گل دی تجدید وی کرن دا اھتمام ھونڑا چاھی دا کہ اسی سارا سال تے ساری حیاتی آپٌ دی سیرت تے سنت تے عمل کراں گے فرائض چے کوتاھی توں بچاں گے اپنے اخلاق سنواراں گے تے اچھے اوصاف اپناواں گے جیڑے سنت نبوی دے عین مطابق ھے نے میں تے اے ھی سمجھنی آں کہ اے دن اللہ دے نبی نال محمد دے اظہار دا دن اے تے نال ای اس گل دی تجدید دا دن اے کہ آپٌ صلے اللہ دی سنت تے پورا پورا عمل کراں گے تے اپنی زندگی قرآن دے دسے ھوئے طریقے دے مطابق گزاراں گے دین اسلام عبادات اور معاملات تے مشتمل ایک مکمل پیکج اے یعنی اللہ تعالی نے انسان نوں اپنی عبادت لئی پیدا کیتا اے فیر اس نوں پنج بنیادی احکامات دس دتے کہ اے تہاڈے فرائض نے اللہ دی واحدانیت نماز روزہ حج تے زکوات اے لازمی تے ضروری کرن والے امر نے ایناں نوں چھوڑن والا نافرمان کہلاتے گا . معاملات توں مراد زندگی گزارن دے اصول تے رستے دوسریاں نال کیویں رویے رکھو تے برتاؤ کرو اے ساریاں گلاں قرآن پاک چے اچھے اخلاق دے ناں نال موجود نے تے آپ دی سیرت توں اسی سکھ سکدے آں آپ صلی اللہ دی سنت تے عمل کرن دا مطلب ھی قرآن دی تعلیمات تے عمل کرنا اے.اللہ دے رسول نال محبت دا ثبوت دینڑ ضروری اے اودھی ذات نوں خراج عقیدت پیش کیتا جائے جس طرح اللہ تعالی اور سارے فرشتے آپٌ تے درود بھیجھدے نے اسی وی ھر ویلے درود آں دے تحفے آپٌ دی خدمت وچ پیش کردے رھواں 💐💐💐💐💐💐💐
ٱللَّٰهُمَّ صَلِّ عَلَىٰ مُحَمَّدٍ وَعَلَىٰ آلِ مُحَمَّدٍ كَمَا صَلَّيْتَ عَلَىٰ إِبْرَاهِيمَ وَعَلَىٰ آلِ إِبْرَاهِيمَ إِنَّكَ حَمِيدٌ مَجِيدٌ .
ٱللَّٰهُمَّ بَارِكْ عَلَىٰ مُحَمَّدٍ وَعَلَىٰ آلِ مُحَمَّدٍ كَمَا بَارَكْتَ عَلَىٰ إِبْرَاهِيمَ وَعَلَىٰ آلِ إِبْرَاهِيمَ إِنَّكَ حَمِيدٌ مَجِيدٌ .
تبصرے