Voice of my heart

  سانوں  آزاد ھویاں ھوئے کئی سال نی  دنیا تے لبھو تسی اک وی مثال نی اللہ تے رسول دے ناں اُتے لیا سی رب رب کراں گے ایہو اسی کہیا سی دُکھی ایتھے کوئی نہ وسےمحبتاں پھیلاواں گے ویریاں تے دشمناں نوں اکھاں وکھاواں گے ھور ایدھی ترقی لئی جان لڑا کے علم وھنر دے اسی چراغ جلاواں گے عدل دی سیڑھی ایدھی ترقی لئی ضروری اے انصاف نوں ونڈنا ایدی مجبوری اے بنڑ گیا جد اے اسلام دا قلعہ  فیر کافراں نوں ھونڑ لگا سہاڈے کولوں گلا فیر اونہاں نوں کد بھاندی اے ایتھے خوشحالی  دنیا تے  لہرا ندی سہاڈے جھنڈے دی ھریالی ویریاں دیاں چالاں  ھولے ھولے چل گیاں خطرے دیاں بتیاں ھولے ھولے بل گیاں ویکھو ساڈی راہ وچ ھر پاسے کنڈے نے وکھوں وکھ پھڑ ے جھنڈیاں دے ڈنڈے نے راہ دیاں سب کنڈیاں نوں پھل بناواں گے اپنے پھریرے نوں اسی اچا ھی اڈاواں گے نجمہ مسعود 🌾

  اچهے آں ایدهے لئی کوشش  بڑی کیتی اے پر فیر وی کئ لوکاں دی خاص کتاباں وچ برے آں دنیا دے حقوق تے فرائض وچ رل گئے پر فیر وی عملاں دے ڈهڈے حساباں وچ برے آں تهوڑی جئی کمائی سی حلال هی  کهلایا اے پر فیر وی اپنی اولاداں دے نصاباں وچ برے آں محفلاں سجایاں نالے سنگتاں بهی پایاں نے پر فیر وی انجمن شباب تے کباباں وچ برے آں ساڑ چهڈی جندڑی مشقت دے تندور چے پر فیروی  ظالم حاکماں دے خطاباں وچ برے آں ڈهل گئی جوانی ساری چاکریاں ای کردیاں پر فیر وی اک واری نہ دے جواباں وچ برے آں حیاتی ساری عیب میرے لب لب تهک گئے پر فیر وی اپنے ویریاں دے خواباں وچ برے آں نجمہ مسعود

  منگتا جد تیرے در تے آوے  اے اودا احسان  لکھ شکر منا اس مالک دا جنہیں چُنڑیا تیرا ناں خاص جےاُونہے وسیلہ بنایا اک دیونڑ والا ہتھ صدقہ خیرات قرض اے رب تے ،ھے اودا فرمان

  زندگی    بلوغت کهڑ کهڑ هسدی جاوے بچپن اڈیکے میلے نوں جوانی حسن تے مانڑ کرے بڑهاپا روئے ویلے نوں ...نجمہ مسعود

  میں تے خاک مٹی ساں جے مٹی ھی رھندا اس خاک دی بستی نوں فیر دنیا کون کہندا زرے نوں گوہر بنایا ای ربا اےتیرا احسان اے ربا دنیا دتی ہتھ  چے میرے میں تیرے قربان اے ربا

 میں گزرے موسماں دی نشانی آں جیویں خالی اکھیاں دی ویرانی آں ماضی دیاں گلیاں دی باسی آں انہاں گلیاں چے آونی جانی آں  جیڑے  پیار سی کردے آکھاں نال کدی نہیں ٹردے سن لکھاں نال بوھے بند کرکے او ماضی دی کیوں رول گئے نے ککھاں نال دل  جھلاکملا کہندا اے  بس یاد انہاں دی چے رھندا اے مینوں یاد کر کر رو ندے نے اے جھلیاں گلا سوچیندا اے دنیا دیاں رونقاں توں کی لینڑا ھنڑ نویاں بیلیاں چے کی بہنڑا اے لو مینوں اکھاں چے چھبدی ای ھنڑ نواں دکھ اسی کی سہنڑا میں دکھ دے موتی پروندی آں ھنجواں نال کجلا دھو ندی آں میرے درد صداواں نوں سمجھن سب  جویں پیار دے گیت  میں گاؤندی آں نجمہ مسعود🌱

  اکو جئے ھی ھوندے نے ,رشتے تے اے موسم کدی  نرم ھوا دے جھونکے وانگوں کردے نے اے پیار  ھائےچکھڑ وانگوں چل کے  محبتاں, دل دیاں دیندے مار روح دے قاتل  پیارے رشتے, جسم دےڈھڈے موسم نجمہ مسعود🌱

او بندیاں نوں پہلے پنڑدا اے صبر دی  پہٹھی جیویں  ُپہندا اے جیڑے اودی رضا چے راضی ھونڑ اونہاں نوں خاص کم لئ چنڑدا اے اچے رتبے ایویں نہیں ملدے نے اکھاں بند تے ھونٹ سلدے نے اے پھل جے وریاں دے چلے دے ڈھول رھندے جے اکو ِکلے دے اُکا میں نوں اندروں مُکاندے نے تد ولیاں دا رتبہ پا ندے نے رب اونہاں دی دل وچ وسدا اے باطن شیشے وانگوں دسدا اے او رھندے رب دی  دنیا چے نہیں ودسدے سب دی دنیا چے نجمہ مسعود🌱

  َربُّ آلمشِرقِ و المغرِبِ لَااِلہ الا ھُو فَاتَّخِذُہ َوکیلاً او رب اے مشرق ومغرب دا نہیں دوجا کوئی اودے سوا بس لاالہ الاللہ، لا الہ الاللہ  توں اونوں ھی اپنا وکیل بنا توکل اودے تے جناں نے رکھیا اے اودھیاں سُکیاں ھریاں ھو جاندیاں ساریاں ڈوبیاں تریاں ھو جاندیاں مزا جیوں دا اونہاں نے چکھیا اے نجمہ مسعود🌱