Voice of my heart

میرے نبی دے خُلق ُنوں ُقرآن ِکہندے نے جِن وبشر تے سارے ھی حیوان کہندے نے قرآن رب نے بھیجیا اعمال واسطے سیرت نے اونوں ِکیتا اے آسان کہندے نے میرا نبی اے دنیا تے ِدلاں دا بادشاہ اُدھا بچھونا ٹاٹ دا سامان کہندے نے رتبہ اے اودھا اوچا دونوں جہاناں وچ رھن لئی سی اک کچا جیا مکان کہندے نے بھیجو درود اودے آتے سارے مل کے آیا سی میرے رب دا اے فرمان کہندے نے عفو و درگزر دی کوئ اک ھوے مثال قاتلاں نوں کیتا معاف ھوئے حیران کہندے نے نجمہ مسعود   

  خاص لوگ او بندیاں نوں پہلے پنڑدا اے صبر دی  پہٹھی جیویں  ُپہندا اے جیڑے اودی رضا چے راضی ھونڑ اونہاں نوں خاص کم لئ چنڑدا اے اچے رتبے ایویں نہیں ملدے نے اکھاں بند تے ھونٹ سلدے نے اے پھل جے وریاں دے چلے دے ڈھول رھندے جے اکو ِکلے دے اُکا میں نوں اندروں مُکاندے نے تد ولیاں دا رتبہ پا ندے نے رب اونہاں دی دل وچ وسدا اے باطن شیشے وانگوں دسدا اے او رھندے رب دی  دنیا چے نہیں ودسدے سب دی دنیا چے نجمہ مسعود🌱

  دانا دانا بیجیا سی میں انہاں بڈھیاں ھتھاں نال  گوڈی کیتی پانڑی لایا  رب نےمیرے کرم  وکھایا سونا بنڑ یا تے لہلہایا رب دی رحمت دا سی سایا حسرت سی وڈھاں گا میں انہاں بڈھیاں ھتھاں نال بجلی وانگوں کُدکےکھا گئی سارا رزق نماڑیاں دا او چنگاری ھسدی ھسدی اڈی تے کد بھانبڑ ھوئی آگ دا غصہ نہ ٹھنڈا ھویا فصل ریت تے جھانبڑ ھوئی اکو سوچ پئی مینوں کھاوے کی ھوے گا انہاں نیاڑیاں دا نجمہ مسعود😢

  مینوں تانگاں سن اے وریاں توں کدی دل دی جھوک سجاواں گی ایس اجڑے پجڑے محلے نوں سک سک کے میں سجاواں گی وسر گئی سی گل پیار والی نالے پیار  دے سوتے سک گئے سن پاٹے دل نوں  ٹاکیاں جوڑ جوڑ  میں پیار دے قابل بناواں کی

عشق دی عین دا نشانہ ایہہ دل کیوں ھوندا اے عشق چے پاگل تےدیوانہ ایہہ دل کیوں ھوندا اے تتے بلدے دیئے دی لو تےتھرکدا تے نچدا عاشق    اپنی موت توں بے خبر تے بیگانہ کیوں ھوندا اے تکےایتھےکلیاں دے مرجھانڑ دے قصے بڑے نے ایدھے چے دشمناں تے ویریاں دے حصے بڑے نے اینہاں راھواں چے کھلرے نے کنڈے ھی کنڈے  فیر وی لاپرواہ تے مستانہ ایہہ دل کیوں ھوندا اے  لکھاں کروڑاں آساں امیداں تے چاھتاں دے لارے  دیوانیاں ھیراں لبھدیاں پھرن رانجھیاں دے دوارے  سچ اے عشق تے منزل دویں ھوندے نے وکھ وکھ  تد وی پیار لئی پاگل ایہہ فرزانہ دل کیوں ھوندا اے عاشقی معشوقی دا ناں اے دیوانگی،اے گل کی کرنی جیڑی گل وگڑ ی پئی اے وریاں تو او حل کی کرنی عشق آسیب اے جن بھوت یا کوئی ان دیکھی طاقت ھر ویلے مدھوش تے ساحرانہ ایہہ دل کیوں ھوندا اے نجمہ مسعود🌾

Sad news from Canada إِنَّا لِلّهِ وَإِنَّـا إِلَيْهِ رَاجِعونَ Devastated Parents and their three children dead after Brampton house fire Nazir Ali (our 28 yrs old nephew  his wife, Raven Alisha Ali O’Dea, and their children, 10-year-old Alia, eight-year-old Jayden, and seven-year-old Layla, were our family ad  victim of a deadly fire in Ontario, Canada. Request your prayers and thoughts for them. 2022/03/28/two-adults-three-children-dead-after-brampton-house-fire.

  رمضان المبارک 2022 اوقات کار  

   غزل بھرے بازار وچوں خالی مڑ آؤندی آں  دل دیاں حسرتاں سب توں لکانی آں  نہیں ھوندی کدی خواہش   تے کدے  پیسے نہیں ھوندے دنیا تے آنڑ دا ناں ای اسی کیتا ھے ھر ویلے صبر دا گھٹ اسی پیتا اے  بہتی رزق دی بھک کٹی  ملیا  پیار دا وی فاقہ سی ظلم و زیادتی دی کہانڑی کی سناواں  کیویں تینوں لکیاں پیڑاں وکھاواں  روح دی موت  تے نظری نہ آؤندی جسم دی موت ،کہڑی وڈی گل اے دولتاں نال عزتاں دی تقسیم کیوں ھوندی اے  جدے کہار دانےاودی تکریم کیوں ھوندی اے بھک نال سُکےننگے بچے دی تصویر اس دنیا لئی شاہکار  کیوں ھوندی اے نجمہ مسعود🌾

  عاشق رسول غازی عبدالقیوم شہید غازی عبدالقیوم دا تعلق  ضلع ھزارہ  دے علاقے غازی آباد نال سی او  روزگار دی تلاش وچ   کراچی آیا تے محنت مزدوری کرن لگ پیا  انہاں دناں چہ اک ھندو نتھو رام نے  اپنی  اسلام  دشمنی وچ اک کتاب  ھسٹری آف اسلام لکھی جدے وچ اس نے  نبی پاک ٌ دی شان وچ  گستاخانہ الفاظ دا استعمال کیتا اے ویکھ کے تے ھر مسلمان بڑا پریشان ھویا تے سارے   برصغیر دے مسلماناں دی دل آزاری ھوئی  تے مسلماناں ولوں اس خبیث دے خلاف  مقدمہ دائر کردتا گیا  فوجداری مقدمہ شروع ھو گیا تے اونہوں اک سال قید تے  جرمانے  دی سزا ھو گئی مگر  کراچی دے جوڈیشنل کمشنر ولوں اس بدبخت ھندو دی عبوری ضمانت ھوگئ اونہوں رھائی مل گئی  اس گل دا مسلماناں نوں بڑا افسوس ھویا تے   اونہاں نے بڑا احتجاج کیتا   جس دن نتھو رام دو انگریز ججاں دے سامنے فیصلے لئی  پیش   کیتا گیا اس ویلے  مسلمان تے ھندوواں دی بڑی تعداد عدالت دے باھر کھڑی سی  فیصلے دے انتظار وچ  اس ویلے  اک تیئس سالہ منڈا وی اس ھجوم دا حصہ سی مگر  اودھے دماغ چے کجھ ھور ھی چل رھیا سی او کسی نہ کسی طرح موقع پا کے بجلی    وانگ تیزی نال  عدالت دے کمرے  وچ اپڑ گیا  تے ا