Voice of my heart

 سورہ فاتحہ تے  پنجابی ترجمہ۔ بِسْمِ اللَّهِ الرَّحْمَٰنِ الرَّحِيمِ شروع کردی آں آللہ دے ناں توں  جیڑا بہت مہربان تے ترس کرن والا اے الْحَمْدُ لِلَّهِ رَبِّ الْعَالَمِينَ ساریاں تعریفاں اودھے لئ  نے جیڑا سارے جہاناں  دا مالک اے الرَّحْمَٰنِ الرَّحِيمِ  او  بڑا مہربان تے رحم کرن والا اے مَالِكِ يَوْمِ الدِّينِ او ھی روز جزا دا مالک اے إِيَّاكَ نَعْبُدُ وَإِيَّاكَ نَسْتَعِينُ اے اللہ تیری ھی عبادت کردے آں  تے تیرے توں ھی مدد منگدے آں  اهْدِنَا الصِّرَاطَ الْمُسْتَقِيمَ سہانوں سدھی راہ تے پا صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ انہاں لوکاں دی راہ  پا جنہاں  نوں توں نوازیا انہاں لوکاں دی راہ نہ پائیں جنہاں   تے تیرا غضب ھویا تے نہ  ھی گمراں دی راہ چے پاویں

 

 

آپ ٌ دی پیدائش دی خوشی توں ودھ  دنیا چے ھور کوئی خوشی ھو ھی نہیں سکدی .آپٌ دی پیدائش تے دنیا تے آنڑ دا مقصد ھی دنیا دے وگڑے ھوئے حالات تے جہالت دے اندھیریاں نوں ختم کرنا سی .دنیا تے اک لکھ چوبیس ھزار پیغمبر تے نبی آئے سن جناں نے بنی نوع انسان نوں  سدھی راہ تے چلن دی مت دتی ا چھائی تی برائی دی تمیز دسی پر انہاں قوماں نے نہ صرف انہاں  دی تعلیمات توں جھٹلایا  بلکہ بے گناہ انہاں نوں قتل وی کر دے رھے .اک ویلا ایسا وی کہ دنیا چے جہالت تے برائیاں نے انہی پا دتی ھر برائی عام گل بن کے عرب دے معاشرے وچ پھلن پھولن لگ پئ اللہ دا کرم ھویا تے کعبے دے متولی دے گھر اودھا پوتا  پیدا ھویا جدا ناں محمد رکھیا گیا اے لوکاں لئی نواں تے و کھرا ناں سی وقت نےدسیا کہ اے بچہ بھی وکھری ٹائپ دا سی جنے دنیا دے حالات تے عرب دا معاشرتی نقشہ بدل کے رکھ دتا جس معاشرے چے انسانی جان دی کوئی قدر نہی سہی ،عورتاں نوں حقیر تے بے توقیر چیز سمجھیا جاندا سی  کڑیاں نوں پیدا ھوندیاں ای زندہ دفن کر دیندے سن ماں بہن دی جائیدا وچ کوئی حصہ داری نہیں سی  ھر ویلے قتل و غارت گری دا بازار گرم رھندا جُوا تے نشہ معزز لوکاں دا شیوہ تے بدزبا

 

  اجڑ پجڑ میریاں جھوکاں گئیاں کوئی نہ پچھے حال کجھ نہی رھیا میرے پلے  ڈھور، ڈنگر نہ مال رحمت زحمت بنڑ بیٹھی اے رزق دا پے گیا کال لکھوں ککھ  کہنوں ھو گئی  اینے ماڑے نہیں سی اعمال ھڑ دا غصہ سب کجھ لے گیا  میری شرم تے نالے شال مٹی دے وچ مٹی ھوئے سوھنڑے چن ورگے میرے لال اکھاں میں تے میچ لینی آں جد بھک نالے روندے بال محتاجی ڈھڈی شے اے ربا کوئی حیلہ کر اینوں ٹال اپنی جناب توں دیویں ربا پہاویں دلیہ ھووے یا دال ہتھ پھیلاونڑے غیراں اگے اے غیرت لئی اے گال سینہ سڑ کے سواہ اینج ھویا جیویں کالے سر دے وال ہتھ دیاں لکیراں تک تک روواں ستارہ بدلے گا کدوں چال  🌿نجمہ مسعود

 

  Punjabi song was played at the Line of Control (LoC) and Pakistani soldiers were seen waiving to the Indian side.

  رب دیاں رب جانڑے مٹی دا کیوں پتلا بنایا  ساہ اودھے چہ کہنوں پایا  چوکھا وڈا سنسار بنایا نعمتاں دا فیر کھلار توں پایا عقل لڑائی لکھ اے ربا  سمجھ نہ آئی ککھ اے ربا دماغ اپنے تے زور کراں میں  بھید کریداں غور کراں میں  اندروں اک آواز جئی آوے  رب دیاں  کرنیاں رب ھی جانڑے ھور نہ جانڑے کوئی ازلاں دیاں تقدیراں  لکھدا آزادی دیاں تفسیراں لکھدا خواباں دیاں تعبیراں لکھدا ھونڑی دیاں تحریراں لکھدا تیری مرضی وکھ اے ربا  سہاڈے پلے نہیں ککھ اے ربا دماغ اپنے تے زور کراں میں  بھید کریداں غور کراں میں  اندروں اک آواز جئی آوے  رب دیاں کرنیاں رب ھی جانڑے  ھور نہ جانڑے کوئی وکھو وکھ کیوں رنگ بنائے جد ،اکو مٹی اکو سانچا  رتبیاں دے کیوں بھیس وٹائے جگ چے شر تے ،خیر وسائے لکھ تے کوئی ککھ اے ربا سب تے تیری اکھ اے ربا دماغ اپنے تے زور کراں میں  بھید کریداں غور کراں میں اندروں اک آواز جئی آوے رب دیاں کرنیاں رب ھی جانڑے ھور نہ جانڑے کوئی غربت تے جہالت اینی  ھر بندے چہ لالچ اینی چوری ڈاکہ گل ھی کوئی نہ قتل وغارت دا حل ھی کوئی نہ ظلم دا ذور  وکھ اے ربا مظلوم دی دنیا وکھ اے ربا دماغ اپنے تے زور کراں میں  بھید کریداں